Cipt : Jen Manurung
Na pinaborhat ni hapogoson
Do anggo lakkaki
Dang adong bohalhu
Di na lao borhat au
Tu parjalanganki
Holan marlappithon tangiang
Do anggo lakkaki
Dohot hata poda
Naung dimemehon ho
Tu au anakhonmon
Ni hais manogot
tinuduk botari
Ido pe anggo ngolu ni anakmon
di parjalangan on
Tu dolok pe so tampil
tu toruan pe sobolas au
Tung i majo huroha
bagian ni anakhonmon
Hutadingkon do huta hatubuanki
Borhat marjalang au tu luat na dao i
Hutaonhon do na marhaccit-haccit i
Marhoi-hoi gabe hatoban ni namora i
Sabar ho inang sotung mandele ho
Marnida anak ni halak naung hasea i
Boan au inang di bagas tangiangmu
Asa tung boi muba ngolukki
Asa adong dalanku
Lao pasonanghon ho inang
